Cómo ser membro de Fegerec
Desde - Hasta: - Actualmente
As entidades que soliciten acceder a FEGEREC como entidade membro deberán estar legalmente constituídas e certificar os seguintes extremos:
- Aceptación da Constitución Española
- Ter capacidade xurídica plena
- Ter autonomía funcional recoñecida nos seus Estatutos, con organización e goberno propios.
- Contar cunha estrutura democrática que permita o control dos órganos executivos por parte dos/ as socios/ as.
- Ter entre os seus obxectivos, o apoio, investigación, promoción, rehabilitación integral, difusión e defensa das persoas integradas dentro do ámbito de FEGEREC
O procedemento de acceso será o seguinte:
· Solicitude da admisión por escrito á Secretaría de FEGEREC, nome, domicilio da entidade e CIF, así como nome, apelidos, número de Documento Nacional de Identidade e domicilio da persoa que ostente a representación legal da entidade solicitante. A solicitude debe acompañarse cos seguintes documentos:
- Copia da Acta Fundacional da entidade
- Copia dos Estatutos vixentes
- Copia da inscrición no Rexistro de Asociacións
- Memoria de Actividades do exercicio anterior
- Relación nominal de membros do Órgano directivo
- Copia da Acta de nomeamento do representante legal da entidade
· A Xunta Directiva comprobará o cumprimento dos requisitos esixidos ás entidades solicitantes de admisión e, previo estudo e valoración, acordará ou denegará a admisión.
· A entidades solicitantes para ser admitidas como membro de FEGEREC, deberán obter o voto favorable de polo menos os 2/3 dos membros da Xunta Directiva.