Xa teño diagnóstico
As enfermidades raras necesitan unha abordaxe multidisciplinar e integral, pois a mellora da saúde nestes casos, non depende unicamente dun profesional, senón de profesionais de diferentes ámbitos de atención e áreas de intervención.
En Fegerec, a través do programa asistencial sociosanitario, ofrecemos servizos a aquelas persoas que padecen unha enfermidade rara e ás súas familias.
Unha vez realizado o contacto coa Federación, establécese unha cita coa Directora Sociosanitaria para realizar a acollida, na que se valorará a situación e as necesidades da persoa demandante. Informarase e asesorará dentro dos recursos da entidade sobre a enfermidade, segunda opinión de diagnóstico ou tratamento, entidades vinculadas á enfermidade e/ou se derivará a outros servizos no caso de que sexa necesario.
Debido á crecente demanda, actualmente contamos con puntos de atención na Coruña, Santiago de Compostela, Vigo, Vilagarcía de Arous e Ourense.
¿Coñeces os nosos puntos de atención? Puntos de atención