Visibilidade e captación de recursos humanos e financieiros

A través de diferentes accións, ponse o foco sobre a problemática real do colectivo representado, as persoas e familias afectadas por unha enfermidade pouco frecuente.

A base social de Fegerec e o seu equipo profesional, son un activo de gran valor nas diferentes accións neste ámbito de actuación, así como nas campañas solidarias, converténdose as mesmas nun medio para a captación de recursos financeiros para poder cofinanciar o programa asistencial sociosanitario. Cabe mencionar a gran complicidade do colectivo farmacéutico, do deporte e o empresarial.